如何更新facebook廣告後,能把like保留下來。

當你落Facebook廣告後,唔多唔少都會吸左好多Like & Comment係廣告post內。但當你改入面嘅文字時,個post就會自動重新開始,之前吸左嘅Like & Comment都全數歸”零”。

實在有太多人都有呢個問題,所以我就分享一個小技巧比大家,如何更新Facebook 廣告後,能把Like保留下來。

 

留住你的Engagement

 

要學識呢個方法前,必須明白一個概念先。當係廣告管理員創造廣告時,Facebook會同時幫你做一個新Post。不過呢個Post就唔會係你個Page見到,我地稱之為「Dark Post」。

當廣告正式出左後,如果你要再修改,不論係文字還是圖片,Facebook都係會重新幫你創造另一個新Post。

圖文例子解說:

 

 

1. 當你一出廣告嘅時候,Facebook就會幫你創造一個新Post,我叫佢做Adv01。

2. 但你出左幾日後,想改一改入面嘅文字。

 

如何操作

當你明白左之後,咁就可以開始學做啦。

首先入返去Adv Manager,跟住搵返想改字嘅adv post。

 

之後撳「使用現有帖子」,然後就選其中一個無關系嘅帖用住先。(呢個動作可以理解為,幫你廣告Post解鎖)

呢個時候你就會見到預覽位個Post變左你選嘅舊Post,跟住就發佈。(之後嘅動作要快同即時做,如果唔係停左你個Adv先,否則Facebook會照幫你個Post出廣告。)

當你發佈完之後,就撳左上角個制搵「專頁帖子」。

同樣左上角揀返啱專頁,跟住就會發現有3個選擇「預定帖子」、「已發佈帖子」、「廣告帖子」。咁我地揀「廣告帖子」。

入到去你就會見到你專頁歷史以來咁多個廣告Post,係到搵返你要改個Post撳入去。

然後你會見到個Post,跟住你撳佢個「日期」。(強烈建議係開新分頁咁開!!)

咁就入返去個廣告Feed到啦,你照好似平時咁撳返右上角果3點,你就發現個Feed可以改字啦!!

改完野就要去copy返你個post ID, 方法有2個。

1. 係URL自己搵

2. 係返專頁帖子拎

跟住就去Adv位,同樣edited。係現有帖子個位,會有個「輸入帖子編號」,再直接將頭先copy左嘅post ID放上去同提交。

咁你就會發現改左字個post就會係右手邊出現,重點連之前的like同comment都留得返。最後再發佈埋就搞掂啦。

希望呢個小技巧幫助到大家。

其實我唔係太建議大家將太多精力同時間,投放係呢啲Engagement 上。因為Like & Comment係唔會直接轉化為生意。所以我地應該將焦點,放返係應該放嘅地方上。

如果對Digital Marketing有咩任何問題,都可以Facebook Add我一齊研究嫁。

Facebook: 我不懂Digital (@idontknowdigital)