最近在網上有人問：「美容廣告要投幾多錢先有成效？有間公司話要 8,000 至 10,000，係咪唔使咁貴？」呢個問題反映咗好多新手對美容業 Digital Marketing 嘅疑惑。究竟要投放幾多預算先至見效？係咪成效真係同預算有直接關係？
其實呢個問題冇一個標準答案。因為 Digital Marketing 嘅成效，好大程度取決於你嘅策略同執行，而唔係單單睇預算多寡。你會唔會因為預算有限而無法達成目標？同樣你會唔會無限預算而可以好敢定地答一定能達成目標？今日，我就同大家分享一啲心得，睇下預算以外還有什麼東西，都可以做到有成效嘅 Digital Marketing。
本文重點
呢篇文主要集中講 Facebook、IG 廣告同埋 SEM 呢幾樣工具。至於 SEO 同 CRM，因為篇幅關係，我哋留返第日先詳細探討。而且對好多中小企嚟講，佢哋多數都系專注喺 Facebook、IG 同 SEM 呢幾個 channel，如果一次過講晒所有嘢，大家可能會吸收唔到咁多資訊。
美容業嘅特性
美容業競爭激烈，主要有兩個原因：
– 單價高，利潤大
– 入行門檻低
所以要突圍而出，Digital Marketing 策略一定要切合實際需要。你要了解不同 Funnel 的特性及用法，如 Lead States Funnel，由 Lead、Book、Show 到 Sign，每一個環節都要做到位。仲有就係 Growth Funnel 的 AARRR 模型，即係 Acquisition、Activation、Retention、Referral、Revenue。呢啲都係非常重要嘅概念，值得花時間去鑽研。我之前有寫過一篇文章係關於 Growth Hacker 入面有提及到 AARRR 詳細資料，如果想了解可以看看 【終極講解!成長黑客是什麼及點做】
常見嘅營銷誤區
好多同行都有一個誤解，就係一開始就來個療程優惠大促銷。你係咪經常見到「試做 XXX 療程只需 $688」嘅廣告？呢種做法就好似去 Speed Dating 第一次見面就同人求婚咁，呢啲情況最終只會嚇跑對方。
其實要做好推廣，有幾個技巧：
要了解你嘅目標客群，區分佢哋係屬於 Funnel 嘅邊個階段
針對唔同階段提供相應嘅廣告內容
當然，我唔係話促銷手法就完全冇用。而係要睇你點樣用。營銷說白了就係一個「建立信任」嘅過程。客戶越信任你，佢哋越容易埋單。而建立信任最有效嘅方法，就係持續提供有價值嘅內容。
舉個例，如果你覺得我呢篇文章寫得唔錯，對我嘅專業能力有一定認同。咁如果我而家同你推銷一個 marketing 服務，你會唔會比較容易相信我講嘅嘢呢？
Digital Marketing 主要 Channel
Facebook/IG 廣告
講完理論，我哋再睇下 Digital Marketing 嘅主要 Channel。當然非 Facebook 同 IG 廣告莫屬。好多人有迷思，覺得 Facebook 冇用，IG 廣告效果好啲或者相反。
其實，呢兩個平台各有用處，關鍵係你要搞清楚自己嘅受眾是那一批人，同埋要點樣針對性咁投放廣告。對大部份美容品牌嚟講，「Lead Generation」 係最重要嘅目標，相應嘅廣告形式就有 Lead Ads、Traffic Ads 同 Conversion Ads。如你不認識什麼是 Lead Generation，可以看這文章幫你補上這知識【自動吸客系統是否騙局？這行銷手法是否正當？身為Digital Marketer的我為你拆解】
而 Facebook Targeting 方面，除咗性別同年齡之外，我建議不用花太多心機及時間。香港市場沒有大家想像中大，加入大量 interest targeting，反而會縮窄廣告觸及人數。再者，Facebook 本身的 interest targeting 並不是大家想像中咁精準。與其糾結如何設定，不如將資源集中放在優化廣告內容。你要為不同階段的客戶度身訂造相應的 Ad Copy。
如你不太相信，我試加以解釋，其實遊戲很簡單，如果你把目標受眾設定太小，一段時間內廣告就會重複展示給這些人，看了兩次以上的人如有興趣就應該已經登記，要麼就不會再有興趣或有其他因素。如不理會這樣下去，廣告成本便會提高，效果相應會變差。所以，最終還是需要覆蓋到設定興趣以外的人。而且，Facebook 的興趣標籤設置並不如大家所想的那麼精準，打開興趣設定，你會發現很多莫名其妙的興趣。所以，不用浪費時間在這些設置上。
如果想做得再進階啲，可以考慮用 Custom Audience，不過前提係你要清楚了解成個 Funnel 嘅運作，以及 Audience 嘅冷暖熱程度。Funnel 可以簡單分為幾個階段：睇到廣告（冷）、入到網站（暖）、已登記（熱）。一般我們會針對中間的暖受眾，投放跟他們現在需求更加貼近嘅廣告。以下影片是我之前介紹冷暖熱的技巧
SEM（搜索引擎營銷）
提到 SEM，很多人都有誤解。其實 SEM 並不是所有產品都合適使用，SEM 是一種被動式廣告。只有在客人主動搜尋相關的關鍵詞時候，先至真係發揮到功用。
有人為咗追求更多流量，會刻意買定位比較闊的 upper funnel keywords。這些 keywords 雖然搜尋量大，但跟最終購買轉化還有一段距離。所以選擇 keywords 的時候，最理想是根據 funnel 把不同 keyword 分類。分析客在搜尋這個 keywords 時候，是 funnel 的那個位置。然後使可以針對每個位置，去優化你的 Ad Copy 及 Landing Page 內容。這樣整體嘅轉化率都會有提升。
還有要學識靈活運用 Broad Match、Phrase Match、Exact Match 這幾種不同嘅 matching type。就好似食燒賣，有時會豉油配辣油，又有時豉油配咖哩汁，都會有唔同嘅味道。SEM 相類似，要因應實際情況，去調校你嘅 matching type 組合，先可以做到最理想嘅投放效果。
總結
總括嚟講,做美容 Digital Marketing，最緊要係真正了解客戶需求，然後喺啱嘅時間同地方，俾一啲佢哋 value 嘅嘢佢哋。預算唔係最重要，只要你善用每一分一毫，都可以有唔錯嘅效果。
我希望呢篇文章可以幫大家理清啲思路，喺競爭激烈嘅市場入面搵到出路。
