Digital Marketing 喺商業世界中扮演住至關重要嘅角色。好多剛畢業嘅大學生同埋有意轉行嘅人，在進入 Digital Marketing 領域時，經常會遇到各種問題同疑慮，例如行業嘅具體情況、點樣入行 Digital Marketing、如何學 Digital Marketing 以及未來嘅發展前景等。今次呢篇文章嘅目的，就係幫助大家了解 Digital Marketing 行業，並提供實用建議，提升獲得面試機會同成功入行嘅機率。
Digital Marketing 做什麼
Digital Marketing 其實就係利用互聯網以及唔同嘅 Digital Channel 去推廣產品和服務嘅方法。這些 Channel 包括搜索引擎 (Google, Yahoo, Bing 等等)、社交媒體 (Facebook, Instagram, Twitter 等等)、電子郵件等等。簡單嚟講，就係透過互聯網去與客戶互動，吸引佢哋嘅注意力，從而達到宣傳和銷售嘅目的。對於想要入行 Digital Marketing 嘅新手嚟講，了解呢啲基本概念係非常重要嘅。
搜尋引擎最佳化（SEO）
搜尋引擎最佳化（SEO）係透過優化網站內容和結構，提高網站喺搜尋引擎自然搜尋結果中排名嘅方法。當你喺搜尋引擎（如 Google）中輸入某個關鍵詞，搜尋引擎會根據網站嘅相關性和質量，將搜尋結果按照一定嘅順序呈現。SEO 嘅目標就係通過優化網站內容、關鍵詞、標題、連結等因素，提高網站喺搜尋結果中嘅排名，吸引更多有機流量。
搜尋引擎行銷（SEM）
搜尋引擎行銷（SEM）係透過付費嘅方式，在搜尋引擎嘅搜尋結果中獲得更顯著嘅曝光。最常見嘅 SEM 方式係付費搜尋廣告（Pay-Per-Click，簡稱 PPC），如 Google Ads。當你喺搜尋引擎中輸入特定嘅關鍵詞，你會見到一些標有「廣告」字樣嘅搜尋結果，呢啲就係 SEM 廣告。廣告主通過競價嘅方式，競爭這些關鍵詞嘅廣告位置。當用戶點擊這些廣告時，廣告主需要支付一定嘅費用。
社交媒體營銷
社交媒體營銷係指通過社交媒體平台（如 Facebook、Instagram、Twitter 等）進行品牌推廣和與客戶互動嘅營銷方式。企業可以喺社交媒體上建立官方帳號，發佈有關品牌和產品嘅內容，吸引粉絲關注和互動。同時，社交媒體平台亦提供咗精準嘅廣告投放功能，允許企業根據用戶嘅興趣、行為、人口特徵等因素，向特定嘅目標受眾展示廣告。
電子郵件營銷（Email Direct Marketing，簡稱 EDM）
電子郵件營銷（EDM）係透過發送商業性電子郵件畀潛在或現有嘅客戶，進行產品推廣、活動通知、客戶關係維護等嘅一種營銷方式。EDM 嘅優勢在於可以高度個性化，根據客戶嘅興趣和需求，發送有針對性嘅內容。同時，EDM 亦係一種相對低成本且可衡量效果嘅營銷方式。企業可以通過用戶訂閱、客戶資料庫等方式獲取電郵地址，並利用 EDM 平台進行電郵設計、發送和效果追蹤。
Digital Marketing 前景及職業發展路徑
Marketing Assistant / Executive
如果你係冇經驗入行 Digital Marketing，一開始多數都係 Assistant / Executive 呢啲 Junior 位開始。在呢啲位置上，基本上乜都要做，Senior 同事叫你做乜，你就要做乜。可能會幫忙打 Social Media Post、做 Research、製作 EDM、策劃 Event、印製 Marketing Materials 等等，主要就係聽從指示完成任務。
其實喺呢段時間，最重要嘅係多感受唔同類型嘅工作，因為接下來嘅 Marketing 工作會開始慢慢變得專項。有啲行業甚至只會聘請同一行業出身嘅 Marketer，所以喺呢個階段體驗並尋找自己想要嘅發展方向係最重要嘅。
Senior Marketing Executive / XXX Marketing Specialist
當你做咗幾年，對工作開始上手，已經熟悉，別人問你啲問題你都能夠解答，呢時你多數會升到 Senior Marketing Executive / XXX Marketing Specialist 嘅位置。呢個位置嘅工作範圍開始擴大，除咗原本你負責嘅工作外，可能仲會涉及投放廣告、策劃 Marketing Campaign、基本數據分析、帶領新人等等。
同樣喺呢個階段，你需要將已掌握嘅技能和能力再提升，因為當你熟悉你嘅技能後，理應要將佢磨得更銳利（技術提升），增加競爭力。就好似一句話所講，一個人周身刀，但冇一張利，那亦係冇用嘅。同時，你亦要開始朝著你想發展嘅 Marketing 方向進發，因為再下一級你就會係 Manager 了。
Assistant Marketing Manager / Marketing Manager
至於 Assistant Marketing Manager / Marketing Manager，顧名思義，Assistant 就係你仲未擁有足夠經驗去擔任正職，但公司想畀你機會去嘗試而設立嘅職位。
Marketing Manager 主要嘅工作則係管理、分析和報告（Reporting）。喺呢個階段，你可能成為夾心層，上有老闆下有同事，如何將上層嘅要求轉化成下屬能夠理解並且有動力去執行嘅任務，係 Manager 最常面臨嘅難題。而分析和報告則係日常最常做嘅工作，因為你已經擁有專項技能，理應對呢啲部分嘅成效及數據有一定程度嘅觸覺。所以呢個位置需要一個能夠對事情進行分析並制定策略嘅人。
Marketing Director / Head of Marketing
最後係 Marketing Director / Head of Marketing，呢個位置已經唔太需要做具體執行嘅工作，而係需要為公司和團隊提供更多方向和指引。因為喺行業多年，理應對市場、成效等各方面有一定嘅見解和觸角，所以呢個位置需要一個領航人，幫助公司朝正確嘅方向發展。同時，呢個位置亦經常需要與 CEO 開會，配合公司嘅大方向發展。
其實呢個分類係一個相對比較完美嘅分類，在香港大約有 80% 係中小企，對於中小企和初創公司嚟講，要有呢樣一個相對完整嘅架構係比較困難嘅。所以好多時候，一個位置可能要兼顧上下兩個層級嘅工作。而且呢啲都只係例子，每間公司嘅具體工作內容都會有所不同，有啲公司可能 Executive 就需要投放廣告，Manager 亦需要寫 Social Media Post。所以我提供畀大家嘅只係一個參考。
如何獲得 Digital Marketing 實踐經驗
如何獲得經驗相信係所有剛畢業或準備入行 Digital Marketing 嘅人面臨嘅難題。當年我剛畢業時，打開 JobsDB，基本上所有 Marketing 職位嘅招聘都要求至少1年經驗。試問一個剛畢業嘅人又如何會有經驗呢？但現在，獲取相關經驗相比我當年已經容易了好多。
實習和兼職
對於剛畢業或轉行嘅人嚟講，實習和兼職係獲得實踐經驗嘅好方法。你可以喺各大招聘網站、校園招聘會或者直接聯繫感興趣嘅公司，尋找 Digital Marketing 相關嘅實習或兼職機會。呢啲機會唔僅能夠讓你了解實際工作環境，仲可以幫助你建立人脈，為將來嘅職業發展奠定基礎。
自我項目
除咗實習和兼職，你仲可以通過自我項目來獲得實踐經驗。例如，你可以建立一個個人網站或 Blog，學習並實踐 SEO 和內容營銷嘅技巧；你亦可以為自己或朋友嘅小生意運營社交媒體帳號，嘗試唔同嘅內容策略和互動方式；或者，你可以嘗試用少少錢使用 Google Ads 或 Facebook Ads 等廣告平台，設計和優化小規模嘅廣告活動。呢啲自我項目唔僅能夠豐富你對這些事情的認知，仲可以成為你嘅實戰經驗，展示畀潛在嘅雇主。
志願者工作
另一個獲得實踐經驗嘅方式係參與志願者工作。許多非營利組織和社區團體都需要 Digital Marketing 方面嘅幫助，但受限於預算，無法聘請全職人員。你可以主動聯繫呢啲組織，為佢哋提供 Digital Marketing 方面嘅志願者服務。呢唔僅能夠幫助你獲得寶貴嘅實踐經驗，仲可以展示你嘅主動性。
持續學習
除咗上述方法，持續學習亦係獲得實踐經驗嘅重要途徑。你可以通過參加線上課程、研討會、工作坊等方式，學習 Digital Marketing 嘅最新知識和技能。許多課程都包含了實踐項目，能夠幫助你將理論知識應用到實際工作中。此外，你仲可以關注行業內嘅Mareker 專頁、網站和YouTube，了解最新嘅行業動態和實踐案例。
另外我認識的 Generation 更專度一些完全沒有 Digital Marketing 經驗及背景的青年，舉辦了一個 8星期的Digital Marketing 課程，幫助大家入行。如果有興趣可以入下面條 Link 睇睇。
https://hongkong.generation.org/digital-marketing/
總括來說，獲得實踐經驗需要你嘅主動性和創造力。無論係通過實習、兼職、自我項目，定係志願者工作，重要嘅係要把握每一個機會，將所學知識應用到實踐中，不斷提升自己嘅技能和經驗。同時，亦要勇於嘗試和創新，喺實踐中尋找適合自己嘅發展方向。
Digital Marketing 行業趨勢與未來發展
Digital Marketing 行業發展迅速，新嘅趨勢同技術不斷湧現。為咗保持競爭力，Digital Marketer 需要緊貼最新嘅行業動向，並主動學習新嘅技能。以下係未來 Digital Marketing 發展嘅一啲關鍵趨勢：
人工智能（AI）嘅應用
人工智能技術喺 Digital Marketing 領域嘅應用越嚟越廣泛。大家可能都聽咗 ChatGPT一段時間，但點樣利用佢嚟提升工作效率及成效，點樣可以自動化一些流程等等，Digital Marketer 需要了解 AI 技術嘅基本原理，並學習如何將佢哋應用到實際工作中。
個性化體驗嘅重要性
隨著大數據分析技術嘅發展，為客戶提供個性化體驗變得越嚟越重要。Digital Marketer 需要利用數據分析工具，深入了解客戶嘅需求同行為，並據此設計個性化嘅營銷策略同內容。例如，根據客戶嘅瀏覽歷史推薦相關產品，或者根據客戶嘅位置提供本地化嘅優惠信息。
短視頻嘅興起
短視頻平台，如 YouTube Short 同 Instagram Reels，喺年輕一代中大受歡迎。Digital Marketer 需要適應呢個趨勢，學習如何創作同優化短視頻內容，並利用呢啲平台擴大品牌影響力。例如，與 KOL 合作創作短視頻，或者舉辦同短視頻相關嘅營銷活動。
結論
總而言之，Digital Marketing 行業未來嘅發展可以係好千變百化。無論你係想入行 Digital Marketing，抑或係想學習 Digital Marketing 嘅技巧，保持對行業趨勢嘅敏感性，並主動學習相關知識和技能，對於長期職業發展至關重要。只有不斷適應變化，並掌握最新嘅營銷策略和工具，先可以輕鬆應對呢個充滿機遇和挑戰嘅行業。
