當你不停落廣告嘅時侯，有冇諗過到底你嘅廣告成績係點嗎？各位中小企老闆係一般情況下，都只係睇3樣野。
多唔多人like同comment
多唔多人查詢
返唔返到生意
我都好明白以上3樣野係好重要，但其實係digital marketing呢個世界入面，仲有好多數據都可以幫助你衡量呢隻廣告嘅成效。
首先，今日就同大家介紹咩係CPM (Cost Per Mille – 每千次瀏覽成本)。其實CPM唔係一件新野黎，係上一代嘅digital marketing前輩已經玩緊。呢個CPM顧名思義就係，你嘅廣告曝光了1000次的成本。只要我地拎住呢個CPM，就可以計到個廣告Budget，大約可以投放到比幾多人睇。
例如：如果用$1,000 廣告費，而個CPM係$40。咁就姐係你呢$1,000廣告費，係唔重覆曝光嘅情況下，就大約會有25,000人睇到。
就單單呢個數字，我地就可以好快咁睇到個廣告反應大約係點。而香港Facebook落廣告，平均CPM大約$45。如果你出嘅廣告個CPM 高過呢個數，咁就有可能你嘅廣告成效會有啲影響。
另外，不同行業嘅CPM都會有分別。就美容行業為例，因為本身行業競爭十分之激烈，所以相對CPM亦會較高。
